शेतकरी कायद्यांविषयीचे अध्यादेश अधिसूचना रद्दच्या हालचाली सुरू

शेतकरीविषयक कायदे संसदेत मंजूर होण्याआधी केंद्र सरकारचे अंमलबजावणीचे अध्यादेश जारी

0

मुंंबई : केंद्र सरकारच्या शेतकरी कायद्यांविषयीचे अध्यादेश राज्यात लागू करण्याच्या जारी केलेली अधिसूचना रद्द करण्याच्या हालचाली सुरू झाल्या आहेत.  एक-दोन दिवसात ही अधिसूचना रद्द केली जाण्याची शक्यता आहे.

शेतकरीविषयक कायदे संसदेत मंजूर होण्याआधी केंद्र सरकारने या कायद्याची अंमलबजावणी करण्यासाठी अध्यादेश जारी केले होते. हे अध्यादेश राज्यात लागू करण्याबाबत महाविकास आघाडी सरकारने १० ऑगस्ट रोजी अधिसूचना जारी केली आहे. दरम्यान केंद्र सरकारने या अध्यादेशाचे नुकत्याच पार पडलेल्या संसदेच्या अधिवेशनात कायद्यात रुपांतर केले आहे. मात्र हे कायदे राज्यात लागू न करण्याची भूमिका महाविकास आघाडीतील काँग्रेस, राष्ट्रवादीने घेतली आहे. तर शिवसेनेचाही या कायद्यांना विरोध आहे. त्यामुळे १० ऑगस्टला अध्यादेश लागू करण्याबाबत जारी करण्यात आलेली अधिसूचना रद्दच्या हालचाली राज्य सरकारच्या स्तरावर सुरू आहे. येत्या एक दोन दिवसात ही अधिसूचना रद्द केली जाण्याची शक्यता आहे

Loading...

Leave A Reply

Your email address will not be published.

This site uses Akismet to reduce spam. Learn how your comment data is processed.