धुळ्यात पोलिसांकडून गांजाची शेती उद्ध्वस्त, सहा लाखांचा गांजा जप्त

शिरपूर तालुक्यातील बोराडी शिवारात गांजाची शेती, सांगवी पोलिसांकडून कारवाई

0

धुळे : धुळ्यात पोलिसांनी गांजाची शेती उद्ध्वस्त करत मोठी कारवाई केली. यावेळी तब्बल 6 लाख रुपयांची गांजाची रोपे जप्त केली आहेत. शिरपूर तालुक्यातील बोराडी शिवारात ही गांजाची शेती केली जात होती. सांगवी पोलिसांकडून ही कारवाई करण्यात आली .

शिरपूर तालुक्यातील बोराडी शिवारात एकलव्य पाड्यात तूर आणि कपाशीच्या आडोशाला गांजाची शेती केली जात होती. सांगवी पोलिसांनी छापा टाकून ही शेती उद्ध्वस्त केली. यावेळी 6 लाखांच्या गांजाची रोपे जप्त करण्यात आली असून दोन जणांविरुध्द गुन्हा दाखल करण्यात आला आहे. बोराडीपासून काही अंतरावर असलेल्या दुर्गम भागात एकलव्यपाडा असून वनविभागाच्या जमिनीवर अवैधरित्या गांजा वनस्पतीची लागवड केल्याची गुप्त माहिती सांगवी पोलिस स्टेशनचे सहायक पोलिस निरीक्षक अभिषेक पाटील यांना मिळाली. त्यानुसार, शेतात जाऊन पोलिसांनी छापा टाकला. यावेळी शेतातील तूर, कपाशी पिकाच्या आडोशाला गांजाची हिरवी झाडे लागवड केलेल्या अवस्थेत आढळली. गब्बर फिरंग्या पावरा याच्या शेतात लागवड केलेली 290 किलो ग्रॅम वजनाची 5 ते 8 फुटांपर्यंत उंच असलेली हिरवी रोपे जप्त केली. त्याची किंमत 2 लाख 90 हजार रुपये इतकी आहे. तर डोंगरसिंग खजान पावरा याच्या शेतात लागवड केलेली 300 किलो ग्रॅम वजनाची 5 ते 8 फुटापर्यंत उंच असलेली हिरवी रोपे जप्त केली. त्याची किंमत 3 लाख रुपये इतकी आहे. या दोघांना अटक करण्यात आली असून 5 लाख 90 हजारांचा मुद्देमाल जप्त केला आहे.

Loading...

Leave A Reply

Your email address will not be published.

This site uses Akismet to reduce spam. Learn how your comment data is processed.