‘जम्बो कोव्हिड सेंटर’ची पाहणी; अजित पवारांनी मनसे नगरसेवकाला झापले

सोशल डिस्टन्सिंग पाळत न पाळल्याने अजित पवार भडकले

0

पुणे : उपमुख्यमंत्री अजित पवार यांचा सडेतोड स्वभाव सर्वांनाच परिचीत आहे. त्याची पुन्हा एकदा प्रचिती पिंपरी चिंचवडमध्ये आली. सोशल डिस्टन्सिंगवरून अजित पवार चांगलेच भडकल्याचे पाहायला मिळाले. अजित पवारांनी पिंपरीत मनसे नगरसेवक सचिन चिखले यांना सोशल डिस्टन्सिंग न पाळल्याने चांगलेच सुनावले.
अजित पवार काल पिंपरी चिंचवडमध्ये ‘जम्बो कोव्हिड सेंटर’ची पाहणी करण्यासाठी आले होते. यावेळी मनसे नगरसेवक सचिन चिखले हे काही मुद्दे घेऊन अजित पवार यांच्याशी बोलण्याचा प्रयत्न करत होते. मात्र ते जवळ जाऊन संवाद साधत असताना, सोशल डिस्टन्सिंग पाळत न पाळल्याने अजित पवार भडकले. “मग लांबून बोल ना, फिजिकल डिस्टन्सिंगचे बाकीचे बघतायत, त्यांचे काय बाकीचे नाही, तुझे सांग पटकन”, असे म्हणत अजित पवारांनी नगरसेवकाला चांगलेच झापले. याशिवाय फिजिकल डिस्टन्स ठेव की, आमचे चार ते पाच मंत्री बाधित झालेत, असेही अजित पवारांनी सुनावले. पुणे आणि पिंपरी चिंचवड शहरातील कोरोनाच्या वाढत्या रुग्णसंख्येच्या पार्श्वभूमीवर पिंपरीतील नेहरुनगर येथील कै. अण्णासाहेब मगर स्टेडिअमवर ऑक्सिजन, आयसीयू बेडची सुविधा असलेल्या एक हजार बेडचे ‘जम्बो कोव्हिड रुग्णालय’ उभारण्यात येत आहे. पाहणी करण्यासाठी आलेल्या अजित पवार यांनी “जंबो कोव्हिड केअर सेंटर उभारण्यासाठी कामगार कुठून मागवले?” असा प्रश्न अधिकाऱ्यांना विचारला. “आपल्याकडे दोन टीम आहेत. राजस्थान आणि महाराष्ट्राचे आहेत” असे उत्तर अधिकाऱ्यांनी दिले. “महाराष्ट्राच्या कोणत्या भागातील आहेत?” असे पुढे दादांनी विचारले. यावर “कामगार कोकण आणि मुंबईत राहणारे परप्रांतीय आहेत” असे उत्तर त्यांना मिळाले.

Loading...

Leave A Reply

Your email address will not be published.

This site uses Akismet to reduce spam. Learn how your comment data is processed.