गंगापूर कारखान्यात १५ कोटींचा अपहार?

कृष्णा पाटील डोणगावकर यांनी शिल्लेगाव (ता. गंगापूर) पोलिस ठाण्यात दिली तक्रार

0

औरंगाबाद : ‘गंगापूर सहकारी साखर कारखान्याची विक्री होऊ नये, यासाठी सभासदांनी जमा केलेली रक्कम, कारखान्याच्या खात्यावर परत आली. मात्र, कारखान्याचे अध्यक्ष आमदार प्रशांत बंब आणि संचालकांनी खात्यावरील १५ कोटी ७० लाख रुपये कारखान्याशी संबंध नसलेल्या सहा व्यक्तींच्या नावावर वर्ग केली आहे, अशी तक्रार माजी अध्यक्ष कृष्णा पाटील डोणगावकर यांनी शिल्लेगाव (ता. गंगापूर) पोलिस ठाण्यात दिली आहे.

‘गंगापूर सहकारी साखर कारखान्याची विक्री होऊ नये, यासाठी सभासदांनी जमा केलेली रक्कम, कारखान्याच्या खात्यावर परत आली. मात्र, कारखान्याचे अध्यक्ष आमदार प्रशांत बंब आणि संचालकांनी खात्यावरील १५ कोटी ७० लाख रुपये कारखान्याशी संबंध नसलेल्या सहा व्यक्तींच्या नावावर वर्ग केली आहे, अशी तक्रार माजी अध्यक्ष कृष्णा पाटील डोणगावकर यांनी शिल्लेगाव (ता. गंगापूर) पोलिस ठाण्यात दिली. डोणगावकर यांनी सांगितले की, २०१३ मध्ये कारखान्याची विक्री होऊ नये, यासाठी सभासदांनी नऊ कोटी रुपये ‘डीआरटी’ न्यायालयात जमा केले होते. सभासदांच्या मागणीवरून राजाराम पुंड यांच्यासोबत झालेला विक्री व्यवहार रद्द करण्यात आला. ही रक्कम न्यायालयाने कारखान्याकडे वर्ग केली. मात्र ती कारखान्याची संबंध नसलेल्या भीमराव भिकाजी पांडव, मनोरमा सुबोध काबरा, नारायण विश्वनाथ वाकळे, पारस अमृतलाल मुथा, अजय विद्या मुनोत आणि कृष्णकांत भगवान व्यवहारे यांच्या नावांवर वर्ग गेल्याचा आरोप डोणगावकर यांनी तक्रारीत केला आहे. दरम्यान, त्यांनी सहकारी मंत्री बाळासाहेब पाटील व सहकार विभागातील वरिष्ठांकडेही तक्रार दिली आहे. आमदार प्रशांत बंब आणि संचालक बी. एम. पाटील यांनी ही रक्कम कारखान्याशी संबंध नसलेल्या लोकांच्या नावावर केली आहे. यामुळे १४ हजार सभासदांची फसवणूक झाली आहे. या प्रकरणात पोलिसांकडून न्याय न मिळाल्यास, कायदेशीर लढाई लढू.

-कृष्णा पाटील डोणगावकर, माजी अध्यक्ष

अपहाराचा माझ्यावरील आरोप अत्यंत चूक व खोटा आहे. कागदपत्रे खोटी असतील, तर ती सादर करावीत. कोणताही गैरव्यवहार झालेला नाही. एकूणच ही तक्रार बिनबुडाचा आहे. त्यामुळे संबंधितांवर मी अब्रुनुकसानीचा दावा दाखल करणार आहे.

Loading...

Leave A Reply

Your email address will not be published.

This site uses Akismet to reduce spam. Learn how your comment data is processed.